محله میزین قدیم بقال لاری
واریدی کوچه ده بقال محله اوزمان
مشد علی و ولی و علیقلی اوغلی و زمان
سقف آلچاق قاپوسی تک ریضه دوت خردا دکان
کشمش و نارو ، جویز ، توت قوروسی خرماساتان
سووله بو خاطره دن میثم تماره سلام
مشه قربان و چراغ مشد علی عطار ایدیلر
قونشولی خدا ایکی سی کوچه ده همکار ایدیلر
حل میخک ملک ازراق ساتماغا عیار ایدیلر
درد و درمان بولوب مردمه غمخوار ایدیلر
قبر ده خسته یاتان هر ایکی عطاره سلام
در دیمه چاره قلان شانلی علمداره سلام
وارایدی بیر بالا مسجد در و دیواری گوزل
منبری مصطبه سی منظری آثاری گوزل
خرداجا مسجد و میدانچا دا تالاری گوزل
متصدی سی قوجا بیر کیشی رفتاری گوزل
بانی مسجد و بو صاحب رفتاره سلام
آدی دیل لرده روان شانلی علمداره سلام
نجف اوغلی سوزی دیل لرده حاجی دهقانی
مومن خلقی گوزل داغدان آغر ایمانی
اورگه دردی بیزه الله دان اوتور قرآنی
اوزی خیر اهلی بیوک اولوبدور بانی
باغ جنت ده آچان اول گل بی خاره سلام
تربتی جزلریمه سرمه علمداره سلام