بیر بیری میزله یوروشماقدا دِیر دیک اوزَمان
کیمدی کی بیر باشا بوردان قاچا سَگیز توتا جان
اوچ نَفَر قاشدی یَداله و قُلی و رَمِضان
گونوموز بِیلهَ گِچِردی او زَمان آخشاما جان
بیر چَه بیر جَه او رَفیقانِ کَم آزاره سَلام
آنا یوردوم وَطَنیم شانلی عَلَمداره سَلام
ادامه در ادامه ی مطلب
یِغشاردِخ بِله یولداشلارِیله باغدا داما
پول وِرَردیک هَرَه بِش آلتی قِرآن هَر آداما
چَکیده(ترازو) پونزا(واحد وزن) جا بَقالدان آلاردِخ خُرما
دورما گَلدیم هارادِی!داشلی کوچه گوزلی بابا
او غلو شاخدان یِغِلان دِرهَمُ و دیناره سَلام
اُلکه میز مَحفِلی خوش جِلوهَ عَلَمدارهَ سَلام
وار یادیم دا که اولاردِخ نِچه میز چَرخه سَوار
دولاناردِخ چولی کوشَن لَری با هَم بارابار
مَن و قُربان و حُسینُ و ایکی قونشی جَبار
ایندی اولسا گولوش عُنوانی اولار مَسخَره وار
هامی(به معنی همه) یولداشلار ایله اَوَل ایکی جَباره سَلام
اولکه میز جِلوه گَهی شانلی عَلَمداره سَلام
قِرخ آیاق کَد گُلی قیزلار بولاغی دی او زَمان
امِام عَلی قاپوسی اویناماغا عُمده مَکان
بیرده زِیراتلیق و قِینَرباشی آدلِم سایلان
چوخ اولاردی او زَمان دیکده قَدَمگاهدا جَوان
گِچه جِکده اولانان شیوه واطواره سَلام
اولکه میز جِلوه گَهی شانلی عَلَمداره سَلام
بیر بیریمِز له گَزدیک ایتی رِب ایتمَزدیک
آنانی باجینی بیجاریره این جیتمَز دیک
اوز گه نی هَمکِلاسی گونشونی سین سیتمَزیدیک
هَرنه اولسایدی غَرَض مَسجدی تَرک اِتمَزدیک
هامی مَسجِدلَری ایله مَسجِد بازاره سَلام
اُلکه میز مَحفِلی خوش جِلوه عَلَمداره سَلام
آنام ایوان قابا غُندا اَیی رَردی اَلی یی
یامی اَردی اوزی پالتار داکی یِرتِق دلی یی
یاخچی ساخلاردی بیزی تاواراِیدی زِنده لی یی
سَرو آزادِ دی یوخ بیر کَسه وابَسته لی یی
ایشله یُن عورت ایدی بولمَز ایدی خَسته لی یی
اورگه دَردی مَنه یَعقوب و رِضا دَرزی (خیاطی) لی یی
اولا یوز لَرجه او اُستادِ نکو کاره سَلام
اولکه میز مَحفِلی خوش جِلوه عَلَمداره سَلام
خواهشمند است نظرات خود را درج کنید.
برای این کار در پایین مطب بعد از تاریخ و نام نویسنده
داخل قسمت نظراتشده ونظرات خود را درج کنید.