آتامیز پنبه چی آنامیز خباز
آتامیز داعیه رجعته مشمول اولدی
آنامیز همت ایله بیز لره مسئول اولدی
اوزگه یه ایشله دی خباز لقا مشغول اولدی
تربیت مسئله میز تک اونا موکول اولدی
گونده یوز دفعه او مرحومه سلام
آناما مهد شرف شانلی علمداره سلام
ادامه دارد...
وار یادیمداکی وفات ایله دی مرحوم آتامز
ایکی قارداش ایدق ائودا وارایدی بیر باجیمز
یوخیدی سلسله میزده دائی عمه خالامیز
ایله یردی بیزه چوخ نصیحت آنامیز
ارزشی شمش طلا مادر هوشیاره سلام
عرصه سی بزم و وفا شانلی علمداره سلام
او زمان آل چاغیدی خرداجا کوچه قاپیمیز
بیر بالا بطری ایدر تانکرمز نف قابی میز
اطاقن گوشه سی مطبخنده(آشپز خانه)ایکی اوچ قابیمیز
بیر نچه استکان چایدان و اوچ بشقابیمیز
یوخسول ائوده(خانه)بو اثاثیه و آماره سلام
بخت مین جلوه گهی شانلی علمداره سلام
وار یادیمدا آنامز قویدی دبستانه بیزی
دئماق اولماز کی دبستان ادبستانه بیزی
چوخلی زحمت لرایله گتی بو سامانه بیزی
بلکه تبیل اده بو نحوایله انسانه بیزی
قرص ایمان بوتون مادر پر کاره سلام
آنا یوردی وطنیم شهر علمداره سلام
او زمان بیرجه دبستان نظامی وارایدی
ساحت منطقه ده شهرت و نامی وارایدی
عرصه سی خرداجا نسبت اونادامی وارایدی
اوزی پالچق دان ایدی چوخلی دوامی وارایدی
عمق دیل دن بله پالچیق در و دیواره سلام
تربتی سیم و طلا شانلی علمداره سلام