شهریار دیری قالسیدی شاید بو شعری دییردی:pensive:
حیدر بابا دنیا یالان دنیادی
بیر قیرانا آدام ساتان دنیادی
آداملارین اورَکلَری داش اولدی
مَنیم گوزوم بو دنیادان یاش اولدی
حیدر بابا دوزلوخ گِدیب اورَکدَن
یالان دییب آند ایچیریخ اورَکدَن
حیدر بابا من بیلمیرم نَه اولدی
پیسلیخ گَلیب یاخجی گِدیب اورَکدَن
حیدر بابا نزول وِئرن چوخالدی
جیبلَریمیز حلال پولدان بوشالدی
مسلمانیخ ، دؤز دانیشاخ بیز گَرَک
حرام چورَک ییه نلری چوخالدی
حیدر بابا چوخ قاچیریخ آز گَلیر
قار یاغمری حتی یاغش آز گَلیر
سَن دِمیسَن چوخ ایشلَسَن چوخ گَلَر
چوخ ایشلَدیخ آما نییه آز گَلیر؟